ඇසළ පෙරහැරේ අවසානයට ගමන් ගන්නේ පත්තිනි දේවාලයේ දේවාල පෙරහැරයි. එම දේවාල පෙරහැරේ ගමන් කරන ඇතා පිට බැඳි රන්සිවිගෙයි තැන්පත් කර තිබෙනුයේ රනින් නිම වූ පත්තිනි දේව මෑණියන්ගේ කුඩා ප‍්‍රතිමාවකි. චිරාගත සම්ප්‍රදායක් අනුව දළදා පෙරහැරට කාන්තාවන් සහභාගි නොවුවද පත්තිනි දේවාල පෙරහැර සඳහා කාන්තාවන්ගේ දායකත්වය ලබාදීම සුවිශේෂ කරුණකි.
දළදා පෙරහැර 18 වන සියවසේ ශ්‍රී ලාංකීය රාජ්‍ය තන්ත්‍රය හා පරිපාලන ව්‍යුහයේ හරස්කඩක් ලෙස හඳුන්වා දීම නිවැරදිය. 18 වන සියවසේ ආර්ථික ක්‍රමය, සමාජ ව්‍යුහය, සංස්කෘතිය ඉන් නිරූපණය වේ. විශේෂයෙන්ම ආගම, කලාව හා දේශපාලන බලය මනාව සංයෝග කරන මහෝත්සවයක් ලෙස මෙය හැඳින්විය හැකිය. බුදුන් වහන්සේට, දළදා වහන්සේට මෙන් ම දෙවි දේවතාවන්ට දක්වන අප්‍රමාණ ගෞරවය හා ශ්‍රද්ධාව මෙමගින් මනාව විදහා දැක්වේ.
තම පතිවෘත්තය උතුම් අයුරින් ආරක්‍ෂා කළ එකට භාරතීය කාන්තාව පත්තිනි දේවියයි. ගජබා රජ සමයේ සොළීන් පරාජය කර සිරිලකට පැමිණීමේදී "පත්තිනි සළඹ" ගෙන ආ බව මහාවංශය කියයි. පත්තිනි දේවාලවල ආරම්භයද මෙකල සිදු වූ වකැයි සිතිය හැක. පුද පූජාවන් අනිකුත් දේවාල හා සමවේ. රෝග උපද්‍රවයන්ගෙන් වැළකීමට, දරු සම්පත් ලැබීමට, බිළඳු දරුවන්ගේ ආරක්‍ෂාවට පත්තිනි දේවියට භාරහාර වෙති. පත්තිනි දේවිගේ ගුණ හාස්‌කම් එමටය.
0 comments:
Post a Comment