ඇසළ පෙරහැරෙහි ගමන් ගන්නා දේවාල පෙරහැර අතර දෙවනුව ගමන් කරන්නේ විෂ්ණු දේවාලයේ පෙරහැරයි. ඇසළ පෙරහැරේ කප් සිටුවීමේදී කප බෙදාදෙන දේවාලය වශයෙනුත්, පෙරහැර අවසානයේ සිදුකෙරෙන වලියක් මංගල්‍යය පැවැත්වෙන දේවාලය වශයෙනුත් විෂ්ණු දේවාලය සුවිශේෂ වේ. මෙම දේවාලය ක්‍රි.ව. 1947 කාලයේ කීර්ති ශ්‍රී රාජසිංහ රජුන් විසින් ඉදි කළේය. එදා සිට මහා රාජවරු තම අභිෂේක මංගල්‍යයන් පැවැත්වූයේ මෙම දේවාලයේය. විෂ්ණුගේ උපත සිදුවීම සඳහා මෙම දේවාල පෙරහැර පවත්වන බවට මතයක්‌ ඇත. තවත් තැනෙක සෝළීන් දොළොස්‌ දහසක්‌ ශ්‍රී ලංකාවට ගෙන ඒමේ සිද්ධිය සිහිවීමට මේ උත්සවය පවත්වන බවට මතයක්‌ ද ඇත. ඇසළ පෙරහැර ආරම්භයේදී පළමුව කප්සිටුවීම සඳහා නෑඹුල් කොස්‌ ගසක්‌ හෝ ඇසළ ගසක්‌ මෙම දේවාලයේ ගස්‌ කපන්නා විසින් කැපීමේ චාරිත්‍රය ද කෙරෙයි. පෙරහැර අවසන් වූ සත් දිනකින් බලියාගයන් හා නැටුම් රංගනයක්‌ද මේ දේවාලයේ කරයි. ඉහළ කෝට්‌ටේ, අළුත්නුවර, අම්බලකන්ද, අරන්දර, තාඹුගල යන ගම් පෙර රජවරු විසින් මෙම විෂ්ණු දේවාලය වෙත පවරාගෙන තිබිණි.
0 comments:
Post a Comment